Ilo Andy - 4 Taona ...

"J'ai 4 ans ..."
4 taona aho izao, tsy toy ny t@ taona lasa ...

_Vatana:_
- 16kg, 10? Cm, pointure 26/27.
- mitombo tsara, misakafo tsara, fa mbola fahanana aloha hatreto. Tsy miala @ atody ihany no mbola sakafo tiana indrindra.
- Efa matory irery @ fandriana mitokana na dia mbola miray efitra @ dada sy neni aza; @ alina efa mahay mifoha irery mankany @ toilette, dia miverina matory avy eo;
- mazoto mandro, fa midongy rehefa hanasa loha, ary indrindra tsy mety hetezana hany ka efa lava be foana ny volo vao voatapaka;

_Saina:_
- taona faharoa nianarana, fa niverina "petite section" ao @ ecole maternelle les Goelands Androhibe noho ny taona; mahay manisa sy mamaky hatr@ 10 (en français), fa mbola tsy mahay manoratra, mikorontana rehefa mihoatra ny 10; somary mafy loha sy namono ankizy indraindray tany am-pianarana, fa tsy misy hatahorana ny fahaizana hoy Maitresse Vero sy Maitresse Mamie;
- efa tena mahazo izay rehetra resahina, fa eo amin'ny taonan'ilay be fanontaniana be koa, ka izay resahina rehetra dia arahina: "fa maninona?", "dia maninona?", dia miafara amin'ny hoe "Hay!" rehefa azavaina;
- mazoto mianatra, tia lalao, tia manakorontana, ary mafy loha indraindray.

_Fanahy:_
- mazoto mivavaka na dia mananihany aza indraindray, vavaka fanao mety foana na @ sakafo na alohan'ny hatory: "Merci Jesus, Merci pour tout, Amen!"

_Anniversaire:_
Nifanindry t@ ascension ny datin'ny 2-jona t@ity taona 2011 ity, ka nankalazaina ny androtr'io ihany niaraka t@ fianakaviana vitsivitsy. Nidongidongy aloha tamin'ny voalohany fa faly rehefa niara-nilalao tamin'ny ankizy rehetra: Pito, Mimie, Anyah, Alyas, Miranto, Mikolo, Mihà, Diary (Glady), Ariela, Liantsoa, Stan (Razandri), ...

Tena faly koa satria nahazo bisikileta raleigh bleu, efa bisikileta faha-4 io tao anatin'izay 4-taona izay, ny teo aloha sady efa nilaozana no sady simbasimba koa. Ankoatr'izay koa dia nahazo fanomezana maro samihafa, toy ny camion semi-remorque kely, train dinosaures, basy sy fitaovam-piadiana isan-karazany (poignard, menottes, grenades, ...) [soa ihany fa plastique], talkie walkie, puzzle, ...

Dia mbola Mirary Soa hatrany i dada sy neni; hotahian'ny Tompo, hitombo fahaizana sy fahendrena - fa satria ireo no lova tsara indrindra hoy ny Ntaolo ...

Read More »»

3 taona - Mahafinaritra (anecdotes) ...

Tsy araka intsony ny nanoratra tato @ blog hatr@ nahatongavan-dRazandri t@ 02 Aog (http://twitter.com/arostan). Na izany aza anefa dia mitombo tsara razoki, efa tena miresaka be na saro-kenatra aza indraindray.

Santionantionan'ny resaka mahafinaritra t@ ity 2010 ity (betsaka fa vitsy no voarain'i dada sy neni):

- nihazakazaka tany @ douche razoki, dia nosasana ilay "katilesy" fa hoe maloto hono,
- handeha hamangy fianakaviana nodimandry i dada sy neni: "maty ilay olona? nisy nitifitra t@ basy ilay olona e ..."
-

Voambolana sy fomba fiteny mahafinaritra:
- gôgôsa: bogosy
- bobozelà: vuvuzela (coupe du monde afrique du sud 2010)
- 'nde hi-"cross" be 'za ho any @ maman?
- "tsy mamely dada"
- nividy "vodi-loka" (good look) an tonton Mahefa zay,
- ninana "prom-prom-zé" (composé) 'zay,
- rehefa manontany zavatra ka mamaly neni: "tena mahafantatra mihitsy maman ity an!"
- "hiteny français eo za an",
...

Read More »»

Ilo AndY - 3 taona ...

"Happy birthday razoki".

Feno 3 taona anio 2 jona 2010 tokoa i Ilo Andy (na Razoki). Azo lazaina ho vetivety ihany nefa koa efa maro ihany ny zavatra hita sy azo tao anatin'izay.

Raha fintinina dia sahalahala @'izao ankehitrio:

• refy: 9x cm, ??kg, pointure 25 (fr),
• efa afaka "couche" efa volana vitsivitsy izay,
• tsy mety mitafy lamba mihitsy @ alina na dia ati-ririnina aza, hany ka mbola mi-pipi am-pandriana kely tsindraindray noho ny hatsiaka;
• mbola minono tanana rehefa matory, ary mbola tsy misaraka @'i "donda" (ondana) izay efa 3 taona koa ary somary efa valabalaka ihany;
• sakafo: tena mazoto homana rehefa hihinana, fa manao an'androny koa anefa; tsy dia tia sakafo be flirony sy tsy mahazatra, hany ka somary manahirana indraindray rehefa mba miditra "restaurant"; ny anisan'ny tena tiana ohatra dia atody ("za baba atody"), concombre ("za baba pôpônga"), yaourt, pommes frites, voa-maina, mofo dipaina sy confiture, mofogasy, ... anisan'ny tena mazoto misotro rano be koa na @ andro mangatsiaka aza;
• fianarana: efa mazoto mianatra tsara taorian'ilay fijanonana 2 herinandro t@ didim-poitra;
• havia: tanana ankavia no tena manavanana rehefa manoratra, na mandray sotro, na mandray zavatra hafa - tsy manery moa i dada sy neni satria efa andron'ny fahalalahana izao :)
• somary saro-kenatra (tahaka an'i dada) sy miavona rehefa vao mahita olona, fa tena mandray tsara rehefa mifankazatra;
• lalao: be lalao mazava loatra, tia milalao bisikileta, baolina, fiara kely, gorisa (tobogan) sns; ary rehefa mandalo @ jumbo dia tsy manaiky raha tsy mitaingina manège électrique eo ivelany misy helocoptère sy avion;
• mbola tsy miala @ sary miaina (dessins animés), mpankafy dora, tom & jerry, mickey, ...

Fiarahabana sy firarian-tsoa no ampiarahan'i dada sy neni (mbola matory), @'izao faha-3 taona izao. Ny tso-drano dia ny mba hihoatra an'i dada sy neny ara-pahendrena, ara-pahalana, ara-pahasalamana, ara-pifaliana, ara-(izay mety ho tsara rehetra).

Tsy dia mahasoratra matetika intsony i dada noho ny adidy aman'andraikitra, antenaina fa efa i Razoki no hanohy ny "diarin'i Ilo Andy" atsy ho atsy - indrindra koa moa fa efa ho avy ato ho ato
"Razandry" ... :-)

--
Sent from my mobile device

DouRiX

Read More »»

Arahaba ririnina razoki ...

Vita soa aman-tsara anio 08/05/10 t@ 05:45 teo ny didim-poitran-dRazoki, teny @ Dr Louis teny Sab-Nam izay mampiasa fomba malagasy amin'ny fitaovana moderna (bisturi sy soudure). Teo am-panaovana azy no tena nitomany be, sady mamerimberina: "mamay bôbôssa, mamay bôbôssa, tsy tapa'na bôbôssa!"; fa vao avy tao dia nangina, ary nody naka aina. Tsy nitomany mihitsy nandritra ny andro na somary nangingina aza ny maraina, fa ny hariva dia efa nanomboka miresaka, milalao, mihira.

Araka ny fahalalana sy ny famakiana lahatsoratra isan-karazany dia ireto ny antony tena hanaovana ny didim-poitra (circoncision) na koa famorana, fora, hasoavana hoy isika malagasy:
- ara-tsoratra masina (baiboly): mariky ny fifandraisana amin'Andriamanitra ho an'ny jiosy sy ny taranak'i Abrahama (Gen 17:10-12);
- fomban-drazana malagasy: fanehoana ny fahatanjahana (virilité) ary fanamarihana ny fidirana amin'ny tena maha-"lehilahy";
- ara-pahasalamana: manampy ny vatana amin'ny fivoahan'ny loto, sy fiarovana @ aretina isan-karazany (diabeta, homa-miadana, sida, ...).

Manomboka eto izany vao tena "ho lehilahy" tokoa Razoki, ary mirary ny soa rehetra i dada sy neni - araka ny tso-drano isan-karazany azo: "arahaba ririnina", "aza ela fery", "arahabaina nahazo fahasoavana", "ho lehilahy ialahy leiroa", ...

Read More »»

2 taona sy 11 volana sy 15 andro ...

Efa am-bolana maromaro no tsy nisy vaovao teto amin'ny blaogy. Tsy ny vaovao no tsy nisy, fa ny mpilaza no tsy naharaka, satria efa tena nitombo be razoki na ara-fo, ara-tsaina, ara-batana, ara-panahy.

_fo:_

Be fitiavana, tia mihantahanta @ dada sy neni. Matetika manao hoe: "ao nge bitsibitsihako i dada e: (mibitsibitsika) je t'aime, bisous".

Fa somary marary fo kely koa anefa, kizitina sy be koretaka koa indraindray ...

_saina:_

Efa ho fito volana mahery izay no nidirana an-tsekoly na dia ny maraina ihany aza no mankany. Kamokamo matetika rehefa mifoha maraina, fa tena mazoto kosa rehefa tena handeha. Efa tena fetsy ary mivoatra be, tia manao sary, mandoko (coloriage), manety (découpage), ...

Ny indro kely dia tara matetika, satria zatra matory maraina koa (manahaka an'i dada) :)

_vatana:_

Na tsy tena ngeza aza (manahaka an'i dada) dia hita fa mitombo tsara hatrany. Ny halavana no tena mampiavaka (io no tsy nanahaka an'i dada :), satria rehefa miaraka @ zaza mitovy taona na zoky aza dia hita hoe lava razoki. Ary azo lazaina ho zaza salama satria mbola tsy nentina t@ dokotera am-bolana maromaro izay.

Ankoatr'izay, anisan'ny tena nanoratana ny fanomanana ny famorana rahampitso vao mangiran-dratsy (@11 alina i dada io manoratra io) - izay anisan'ny dingana lehibe amintsika malagasy firosoana @ tena maha-lehilahy. Razoki efa reraka nivezivezy niantsena niaraka t@ neni ka efa ela no resi-tory, ary mbola tsy mahalala ny ady hiandry ny ampitso.

_fanahy:_

Tena mazoto rehefa hoe handeha hivavaka (manahaka an'i dada koa :), sady mamerina foana hoe: "'ndeha hivavaka 'tsika? tsy mianatra andy?"

Ary efa mivavaka koa rehefa hisakafo: "me'si ze'ziuu, me'si pou'tou, aa-nem!" (Merci Jesus, Merci pour tout, Amen!) - ary matetika sady tononina mitabataba be ...

Santionany amin'ny fitomboako ihany ireny, fa afaka 16 andro tokoa dia ho feno 3 taona. Fanahiniana halefa aloha ilay hasoavana mba ho efa afa-pery sy afaka hifaly tsara @ faha 3 taona ...

Read More »»

Lakilasy - fisantarana ...

"qui a eu cette idée folle, un jour d'inventer l'école" …

Anio 23-septambra 2009, no niditra nianatra voalohany Razoki. Raha nitsidika sekoly vitsivitsy manodidina ny fonenana vaovao ety ambohitrarahaba ny omalin'io, dia tapaka hevitra fa hampidirina anio satria efa nanomboka ny taom-pianarana.

Naterin'i dada sy neni, niditra tamin'ny 8 maraina. Mbola tsy nahazo ny fitaovana rehetra fa ny tao anaty kitapo kely dia: akanjo fisolo, gouter, eau vive, couche, mouchoir, … Rehefa avy nikarakara ny antotan-taratasy rehetra dia naterina tao an-dakilasy. Kilasy "petite section", ho an'ny zaza 2 sy 3 taona no nidirana, somary ngeza Razoki noho ireo zaza sasany na dia 2 taona sy 4 volana aza. Nigogogogo tsy laitra nony handeha i dada sy neni.

Tantaran'i "maîtresse" sisa no nahenoana fa teo amin'ny antsasa-kadiny teo vao (dia) nangina; tsy dia azo notambatambazana firy tamin'ny andro voalohany fa "navela nanao izay tiany atao, tsy niaraka tamin'ny ankizy, fa navela nandehandeha teny an-tokotany …" sns. Tamin'ny 11 ora firavana, dia efa miandry eo am-bavahady no hitan'ny mpitsena.

Izany no andro voalohanay tany an-dakilasy, fa dia enga anie ho tody amin'ny ambony indrindra!

Read More »»

Voambolana - 2 Taona ...

Efa maro ny voambolana na fiteny nosoratana teto, apetraka eto ihany ny maromaro/vitsivitsy amin'ny firesak'i razoki amin'izao faha-2 taona izao, mba ho mariky ny fitomboana sy ho fahatsiarovana aoriana. Tsy fitenin-jatovo fa fitenin-jaza ka rehefa azon'i dada sy neni dia izay no zava-dehibe:

• ['voun:a]: asiana savony, rehefa manasa tanana
• [piboo]: kibo
• [babababe]: dadabe
• [toun'dàa]: tongotra
• [ou:nà]: orona
• ['tèn]: bataina
• [tèn-àmamaman]: je t'aime maman
• [tè:nnn]: rehefa anontaniana hoe "how old are you?" (mananihany)
• ['pi'nà]: ampiana
• ['pi:nà]: pihana (jiro, télé, …)
• ['fou:n'dadàa]: tsofina dada a (rehefa mahamay ny sakafo)
• [booki]: boky
• [lôl'lôl'àà]: chocolat
• [ôàa]: dora
• [bô:là]: baolina, na "cheese balls" (marihana fa tena mpankafy "cheese balls" tsy laitra razoki)
• [pépé bouboudii]: hipetraka ny … ( | ) :-)

Bye bye "doo" ee (ondana), bye bye "bibin" ee, bye bye "télé" ee: rehefa faly be fa ho entina mivoaka ny trano handehandeha, dia atao veloma daholo ny kilalao sy ny entana ao an-trano;

Efa misy koa anefa ny tena efa hay ny manonona azy na izany aza, toy ny: dada, neny, maman, tanana, loha, vava, hello, ...

Read More »»

02-Jona-2009 - Happy 2 Year's Birthday Razoki …

Sabotsy 02-Jona-2007 - Talata 02-Jona-2009 - Feno 2 taona anio Ilo Andy Rafieferantsiaronjy, alias Razoki.

Raha misy *firarian-tsoa* dia afaka apetrakao eto (na koa @ rohy "Post a Comment" eto) mba ho solon'ny "boky volamena", sy ho tahiry ho ahy rehefa mahay mamaky teny.
(Mbola tsy manana kaonty @ banky afaka handefasana fanomezana :-)

Mankasitraka sahady amin'ny firarian-tsoa sy tso-drano rehetra.

"Lehibe aho izao, tsy toy ny tamin'ny taona lasa" …

-- ilo AndY

Read More »»

2 taona latsaka 12 ora ...

Rahampitso 02-Jona-09 no faha-2 taonan-drazoki. Herintaona toy izao koa no nanaovana ny batisa tao amin'ny FJKM Ambohitantely (http://iloandy.blogspot.com/2008/06/batisa.html), fahasoavana in-droa miantaona satria fitomboana ara-batana sy ara-panahy.

Mbola eto Freetown, Sierra-Leone aloha hatreto; ny halavana no tena mitombo, fa ny lanja toa eo ho eo ihany raha atao topi-maso. Tena matanjaka be na izany aza, tsy laitra mihitsy amin'ny fianinkanihana, sy ny fanimbana zavatra.

Mbola mijery "Dora The Explorer" na "dessins animés" (boomrang @ DStv) aloha no androatokon'andro amin'izao. Efa mahay mandefa télé sy DVD mihitsy rehefa hijery Dora. Rehefa tsy izay dia milalao "bibiinàa" (tômôbila kely) na baolina.

Ankoatra ny kilalao dia ireto no tena zavatra ankafizin-drazoki amin'izao:
- Manimba zavatra: ny "voiture téléguidée" vao novidiana 2 herinandro lasa izay dia efa niongotra ny - antenne, miala ny tafo, tapaka ny "pare brise", loaka ny carosserie;
- Misotro rano (na jus), avy eo araraka eraky ny trano, na seza izay tsy lany;
- Manapiaka "prise" (éléctriique) na "interrupteur", manovanova télé;
- Mandrovitra boky na taratasy;
- Misangisangy;

Mba tsy migafy ihany kosa anefa no hain-drazoki na izany aza:
- Efa mahay mametraka "sous plats" ambony latabatra alohan'ny sakafo;
- Efa mahay irahina manary zavatra any amin'ny fitoeram-pako (corbeille);
- Efa tena mahay ary tena tia irahina maka zavatra na mametraka zavatra any an'efitra hafa;
- Efa mahay mivavaka (jereo eto http://iloandy.blogspot.com/2009/03/razoki-mivavaka.html)
- …

Dia efa miarahaba an-drazoki tratry ny tsingerin-taona faharoa (sady miarahaba tena) sahady i dada sy neni …

Read More »»

23 volana - "Doo", "Babii", "Ôôah" …

02 May 09, faha 23 volana (23ème mensuversaire), mbola eto freetown, sierra-leone; mbola tsy miteny anglisy, na mbola tsy miteny ny marimarina kokoa :) Efa te hiteny mafy fa mbola tsy tafa, na izany aza mba efa manao "hello", "'mo'rning", "bye bye" ...

Ny lanja sy ny refy dia tsy azo an-tsaina aloha hatreto fa mbola tsy nandalo dokotera (soa ihany). Ny kiraro eo @ "pointure" 24 eo izao, satria ny iray 23 (aigle d'or) dia efa mitady tsy ho antonona.

"Tsy foy"

Ireto no zavatra vitsivitsy tena ankafizin-drazoki amin'izao, ary tena tsy foy mihitsy:

- "Doo" : izy ity dia ondana kely efa azo hatramin'ny nahaterahana, tsy adino mihitsy rehefa handeha hatory na hipetraka hijery télé, na mandeha milalao aza indraindray. Rehefa manao hoe "doo aa" dia mitady ondana izay ny dikany; Ny tena maha-hafa azy dia izy tsy misy fonony, ary tsy tiana mihitsy raha vao asiana fonony na dia efa makafoka aza;


- "Babii": izy indray dia kilalao azo tamin'ny krismasy tany @ tata Ninah, karazana ombimanga (cerf?) mena abotsina sy azo taingenana toy ny soavaly. Rehefa te ho babena mantsy razoki dia manao hoe "babii aa", hany ka raikitra hoe "babii" ny anaran'ilay kilalao. Mandehandeha mitsambikimbikina miaraka amin'io eran'ny trano no anisan'ny fahafinaretana andavan'andro; ary matetika efa handeha hatory aza dia mbola mandeha "babii" mankeny am-pandriana;

- "Ôôah" ("Dora" na "Dora The Explorer"), ilay horonan-tsary (dessins animés, cartoon) fantatry ny ankizy kely rehetra misy hirahira sy fianarana miteny. Tao anatin'ny herinandro vitsivitsy izay raha vao nahita santionany razoki dia nahazo fy, tsy miala mihitsy maraina, atoandro, hariva; vao mifoha dia "Ôôah Ôôah".

(*) na dia anisan'ny tsy mankasitraka ny fampiasana "p2p" aza i dada dia mba nampiasa "bittorrent" tamin'ity in-dray mitoraka ity nakana "Dora The Explorer - season 1" ho an-drazoki :)

Read More »»

22 volana ...

2 taona latsaka 2 volana razoki @izao, salama tsara sady tomady, somary matanjaka loatra ary ka tsy dia hita mitombo firy.

Somary madiditra koa tato ho ato, amin'ilay tsy misy namana angamba (ankizy resahina sy miara-milalao).

Toy izao indray ny fiovana (na tsy fiovana) tato ho ato:

- tena tia milingilingy sy mianikanika: seza, latabatra, varavarankely; ary mikitikitika: manapika fahitalavitra (tv), manapika jiro, manapiaka "prise" (misy interrupteur daholo ny prise élécrtrique), manokatra sy manidy armoire, varavarankely, ...
- efa manomboka mahay mivavaka amin'izao rehefa alohan'ny sakafo (raha mahay no filaza an'izany), ny tanana mipetaka amin'ny tarehy ihany fa manandrify ny orona sy ny vava kokoa, avy eo mingonongonona tsy misy fantatra, dia mifarana mafy hoe "aanèenn!", soa fa fantatr'i Jesosy ny tiana hambara (jereo anie eto e);
- tato ho ato koa izay dia misotro rano be, ny teny voalohany isa-maraina vao mifoha dia "tsoutsouà" (omeo rano);
- rehefa sabotsy na alahady dia mba entin'i dada sy neni eny amoron-dranomasina (lumley beach, freetown), efa tsy dia matahotra ranomasina intsony amin'izao, ary efa sahy mitsoboka sady tena faly; avy eo apetraka milalao fasika no tena fahafinaretana, feno fasika hatrany antampon-doha ka hatrany anaty salaka (couche).

--
Sent from my mobile device

DouRiX

Read More »»

21 volana - razoki in freetown ...

21 volana razoki ankehitriny, salama tsara na dia somary nafanafana kely aza teo noho ny fiovan'ny toetr'andro:

- vao mitady hipoitra ny nify faha-9 sy faha-10, vangy amin'ny ilany ambony/havanana, sy ambany/havia, mety hilay ihany satria "symetrique" tsara :)
- efa tena mahazo baiko ary azo irahina maka zavatra (mosoara, kapa, akanjo, kaopy, ...), fa zany hoe baiko amin'ny teny gasy :(
- mbola tsy nolanjaina fa siora hoe nitombo be satria amin'ny mari-drefy "pound" ny fandanjana aty (1 pound = 0.45kg) :)
- ny voam-bolana dia tsy mitsaha-mitombo ary indraindray sady tsy gasy, tsy vazaha, tsy japoney fa an-drazoki irery ihany:
* mémé: te hijery dessins animés
* "doo aaa" na "maman yaa" na "papa yaa": mangataka zavatra,
* doo: ondana kely tsy mety sarahina hatrany tana, ary zary efa makafoka kely (ilay ondana fa tsy razoki) satria tsy manaiky raha vao asiana fonony,
* tsou tsou: hisotro rano

Ankoatr'izay, i dada sy neni no tena vao mizatra ny fiainana eto freetown, amin'ny sakafo, vidin-javatra, sns ; fa ny an-drazoki dia ny omaly tsy miova fa ny toerana fotsiny no nifindra:

- 60% matory,
- 20%: misakafo, milalao, manakorotan-trano, manimba zavatra, migafy,
- ny ambiny: misakafo, milalao, manakorotan-trano, manimba zavatra, migafy,

Mbola azo lazaina hoe tsara ihany aloha ny vokatra satria tao anatin'ny herinandro dia vao vera iray izay no vaky, ary boky vitsivitsy no rovitra. oups ...

--
Sent from my mobile device

DouRiX

Read More »»

Taona 2009 - 20 volana ...

Efa tapitra ny volana janoary vao mahasoratra i dada, efa taona faharoa diavin-dRazoki ity taona 2009 ity, enga anie ho taona fitomboana vatana, saina, fahendrena sy feno fahasalamana.

20 volana amin'izao, 11kg200 raha nilanja herinandro lasa izay, mirefy 84cm, 49cm ny refin'ny loha. Raha efa salama tanteraka teo dia somary niverina voan'ny sery sy nikohaka indray teo ka natao "analyse" tratra sy avokavoka (poumons) mihitsy.

Mbola mivoatra hatrany ny voambolana hatreto:

- tsotso: te hisotro rano "eau vive", mafana ny andro ka mahalany rano hatramin'ny 1/2 litatra isan'andro, ary tsy tia raha tsy mitohaka amin'ny tavoahangy "eau vive" lehibe mihitsy,

- lany: rehefa mahalany sakafo dia sady manolotra ny biberon vide na vilia vide na fonona biscuit. Marihina moa fa lany daholo zay miainga eo.
- gateau: rehefa mahita na rehefa manokatra frigo dia midongy gateau
- "didi": biscuit
- babababe: dadabe
- ...

Fa ny tena dingana lehibe tato ho ato dia efa mi-kàkà amin'ny "pô" (tavimandry) rehefa maraina, nanomboka tamin'ny 15 janoary 2009 teo. Isa-maraina avy misakafo kelikely no apetraka eo satria mbola zarina, mahazo aina tsara fa ny "pô" ankehitriny moa efa ohatry ny seza mihitsy.

Efa mahazo ny resaka sy zay lazain'i dada sy neni rehetra ka efa azo irahana mihitsy aza indraindray.

Efa mihirahira be sy mandihy koa rehefa mahita hira mihetsiketsika. Asa raha ho mpanakanto hanahaka an'i Bebe ...

--
Sent from my mobile device

DouRiX

Read More »»

18 volana ...

Herintaona sy tapany ny bandy amin'izao. Tratran'ny kohaka sy sery
mahery (bronchiolite) efa ho roa herinandro izay ka somary nihena,
10kg600 raha nilanja. Vao niampy 3 ny nify, ka miisa 7 ny fitambarany
amin'izao, ny vangy ambany ankavia ni mbola tsy mipoitra. Ny kiraro
dia pointure 22 no tena antonona amin'izao, saingy efa nividianan'i
dada sy neni kiraro krismasy pointure 24 somary malalaka fa efa
antonona tsara.

Efa miha-miampy ny voambolana ary mihamivoatra ny fiteny, na dia mbola
tsy tena mazava aza:
- dédé: rehefa te handehandeha,
- bô: baolina,
- aaaan: rehefa mandà,
- babii: rehefa te ho babena,
- baba: sakafo,
- babôô: bravo!
- bap: kapa,
- dôdô: dôdô
- ...

Ankoatry ny mamoha sy manidy varavarana, dia ny mandeha miantsena no
anisan'ny mahafinaritra amin'izao, efa maika haka harona rehefa
hiantsena dia mitondra ny vola sy manome vola ny mpivarotra, dia
miandry izay takalony.

Dia ilay manipitsipy no mbola tsy afaka aloha hatreto ka mafotaka ny
famakiana entana indrindr ny vera sy tavoahangy ...

--
Sent from my mobile device

DouRiX

Read More »»

17 volana ...

17 volana katroka ankehitriny, ny nify dia mbola 4 no mipoitra hatreto
(2 ambany, 2 ambony), ilay ankihiben-tanana havanana izay nonoina dia
misy kitro satria voakaikitr'ilay nify vao maniry angamba.

Manomboka tia mianatra sy mamerina ny fihetsika zay hitan'ny maso:

- ny tena tiana izay tato ho ato dia ny maka lakile ary
manatsofotsofoka izany amin'ny tiroir manandrana mamoha,
- ny finday (tél portable) moa dia efa mahazatra ny manao eo amin'ny
sofina rehefa misy miantso ary dia tena miresaka na dia mbola amin'ny
teny tsy fantatra aza,
- ny fihogo rehefa voaray dia efa akasokasoka amin'ny volo,
- raha mahita "cure dent" mipetrapetraka dia efa any ambava hisokisokirana,
- vao manakaiky "prise éléctrique" dia manatsofotsofoka izay fil hita eo,
- rehefa omena zavatra dia mamaly: "tô'tôo" ('saotrô),
- ...

Dia: taorian'i Vatomandry dia efa nandeha nanao fialan-tsasatra tany
Antsiafabositra (Maevatanana, ~260km), ary efa niverina in-3 namonjy
mariazy tany Alatsinainy Bakaro (sy Andohariana).

Handeha hamonjy fetin'ny taranaka any Ampanotokana (Mahitsy) anio raha
tsy misy ny sampona ...

--
Sent from Gmail for mobile | mobile.google.com

DouRiX

Read More »»

15 volana ...

15 volana katroka (1 taona sy 3 volana) omaly 02 septambra razoky. Milanja eo amin'ny 10kg550 eo (début aug), ary mirefy 83 cm (fin août). Antontonony ny lanja (poids) fa ny halavana (taille) no somary manatombo raha jerena amin'ny fitomboana ankapobeny voalazan'ny manam-pahaizana.

Ny loha angamba no tena mitombo satria nisy akanjo ba 12M izay vao novidiana dia voatery notatahana kely satria tsy tafala intsony fa tsy omby ny loha, na dia antonona tsara aza ny vatana ;-)

Efa miresaka be fa mbola fiteny andrazoki manokana (langage personnel), ka mbola voambolana (vocabulaire) vitsivitsy no azon'i dada sy neni:
- "gnagna": rehefa mangididy na mihanta,
- "mama": rehefa mangataka zavatra
- "io": rehefa manondro

Ankoatra an'izay, ny nify dia 3 zao no efa mipoitra. 2 eo ambany, ary ny faha-3 izay vao mitsiry eo ambony dia ngeza ngeza, mitovitovy amin'ny fitambaran'ilay roa eo ambany, matahotra ny tsy ho zanak'i dada :)

--

Sent from Gmail for mobile | mobile.google.com

DouRiX

Read More »»

14 volana - maniry nify ...

Raha efa tany amin'ny 7 volana lasa no hita misy nify manomboka maniry anaty hihy, dia izao vao hita misy iray mipoitra amin'ny ambany afovoany. Somary nisy naratra kely ilay ankihibe nonoina, asa raha voarangotr'ilay nify kely vaovao.

Mahatsikaiky:
- vao nify 1 no mipoitra dia hoy neni hoe "toa sosona izy izany" (somary mivilana tsy tena mahitsy mantsy ilay nify)
- rehefa tezitra razoki dia ny lohany ihany no kapohiny na akapony amin'ny zavatra (coup de tête)
- tia manao "nankaiza ny tanteliko teto" ary tsy manaiky raha tsy averimberina eo foana, mandram-paha reraka.

Ankoatran'izay dia salama na dia somary nafanafana aza tamin'ny fipoiran'ilay nify. Somary mihena hoy ireo tsy mahita isan'andro, mbola tsy voalanja moa volana vitsivitsy lasa izay, fa ny takolaka aloha dia mbola botrabotra hatrany ...

--
Sent from Gmail for mobile | mobile.google.com

DouRiX

Read More »»

Deuxième "premiers pas" ...

Omaly 21 Jolay (13 volana sy 19 andro eo) vao tena nandeha irery tsy nitazona @izay, somary mbola mivilavila kely, ary mamonjy mihazakazaka maka sisiny rehefa mitady hianjera. Raha 1 volana lasa teo izay no ilay hita nandeha irery voalohany, dia somary nijanona teo fa natahotra angamba, sady somary nanamasaka "équilibre".

Ny maraina nampandehanin'i dada sy tonton mahefa, somary arahina avy ato aoriana sao mianjera, ny hariva efa nanomboka tsy natahotra intsony fa mandeha "irery" manaraka an'i neni miverzivezy eran'ny trano, hatrany an'efitra hatrany an-dakozia, salon.

Jereo anie e ...

--
Sent from Gmail for mobile | mobile.google.com

DouRiX

Read More »»

1 taona sy 1 volana ...

Herintaona sy 1 volana ny tary @izao (1+1). Tsy tena araka ny fitomboana ara-batana, indraindray toa ngeza ihany, nefa somary toa mihena koa, ilay manomboka mipelipelika sy mianatra mandeha angamba no mahatonga an'io.

Ny saina koa hita fa tena mivoatra, efa mianatra fihetsika maro: manondro télé, "kokou" (akoho), mampiseho lela, mi-téléphone, manao "bye bye", ... Fa ny tena spécialité hatreto dia mbola ny mitehaka sy ny manao "nankaiza ny tanteliko teto".

Ny fanahy sarotra ny mandrefy fa ny azo ambara aloha hatreto dia mbola entina mivoaka foana rehefa entina am-piangonana fa mitabataba ...

--
Sent from Gmail for mobile | mobile.google.com

DouRiX

Read More »»

Mandeha irery (premiers pas) ...

Efa elaela no nianatra nandeha fa mbola nitazotazona na nandeha opala.

Omaly alarobia 18 jona (12 volana sy 16 andro) kosa no nanomboka nianatra ary hita fa nandeha irery voalohany; niantomboka t@ 3 - 4 pas teo, efa nahavita hatr@ 4m eo ho eo teny an-tokotany, na mbola somary mivilavila aza sady arahina akaiky. Faly be i neni izay tena
nanatri-maso satria voalohany nahitana an-drazoki nandeha irery io ka tena nahavariana.

Tso-dranon'i dada sy neni, ara-bakiteny: "soava dia razoki ..."

--
Sent from Gmail for mobile | mobile.google.com

Read More »»